أثرياء العالم ٣

فكرة الكتاب ده بكل منتهى البساطة هي المغناطيس والحديدة يعني إيه المغناطيس والحديدة ؟! يعني بكل منتهى البساطة الحديدة هي المواطن البسيط اللي مش عايز يبقى ترس في شركة يتمص دمه وعايز يبدأ مشروع خاص بيه بس تايه وخايف أبدا إزاي ولا أعمل إيه دائما متردد أروح فين ولا أعمل إيه والمغناطيس هي الصفات اللي اجتمع عليها أحسن ناس في مجال الأعمال الحرة و أحسن ناس عملت فلوس في العالم كله . في العلوم الأسطورة بتقول انك لو حكيت المغناطيس 40 مرة بنفس الاتجاه في الحديدة الحديدة هاتبقى مغناطيس فا كل اللي احنا هانعمله ندرس قصص نجاح رجال الأعمال ونحاول نستشف الرؤية العقلية والنفسية اللي عند كل واحد فيهم اللي تخليه لما موقف معين يحصل قدامه وقدمنا هو يبقى شايفه فرصة استثمارية بحته في حين إن احنا ولا أي اندهاش مش فاهمين حاجة فا الحاجات دي هي اللي احنا هانبقى في صددها ونطلع منها الحاجات المشتركة بينهم ونخليها المغناطيس بتعنا ونخلي الصفات اللي فيهم دي فينا من كتر الممارسة على أسوأ الافتراضات انتاجيتنا هاتزيد في مكان كل واحد في مجاله وعلى أحسن الافتراضات هانتحط على أول الطريق بتاعهم طب حد ممكن يقولي السوق بتاعهم غير السوق بتعنا احنا في مصر هقولك دوام الحال من المحال والمعوقات اللي مش هتخليك تعمل نجاح على نفس مستوى نجاح مليارديرات العالم هايخليك تعيش عيشة مرتاحة وانت وسط القيود ونقطة مهمة عايز أنبه عليها في ناس كتير كاتبة كتب عن ازاي تبقى مليونير وهو معرفش يعمل كده لنفسه أصلا طب أنا ليه أخد معلومة من واحد معرفش يعمل لنفسه اللي بيقولي عليه ؟! مش معنى كده رفض تام لأ بس الأولوية للي وصل وحقق الهدف اللي أنا عايزه وبعد كده أشوف الكتب التانية أكيد ها يبقى مكتوب فيها حاجات حلوة طب احنا هناخد الكلام ازاي من أقوى ناس عرفت تعمل فلوس في العالم خلي بالك من نقطة مهمة أنا في الاول استبعدت اللي بيدعي في الكتب ومعملش حاجة لنفسه وبعد كده شوفت الفئة بتاعت اللي نجحت في ناس عملت ملايين وفي ناس عملت مليارات لو هاخد نصيحة من حد أخدها من أقوى ناس عملت مليارات مش ملايين وبعد كده لما أخلصهم كلهم أبقى أشوف اللي عمل ملايين خلصت أقواهم أشوف بقى اللي بيدعوا في الكتب بتعتهم وهما معملوش 2 مليون جنية حتى يتيمة توحد ربنا ؛) طب ازاي نوصل لمليارديرات العالم دول اللي هناقش قصتهم في الكتاب ده وهو صعب جدا حد يوصل ليهم وهما متوزعين بين الدول ؟! بكل منتهى البساطة ها نشوف * قصة نجاحهم ازاي .* قرارتهم اللي خدوها . * وبدأو ازاي .* واتعاملوا ازاي مع المشاكل اللي قابلتهم . * والمقولات بتعتهم اللي بتعكس الجانب النفسي و العقلي اللي عنده عامل ازاي . كتاب أثرياء العالم الجزء الثالث والأخير الكتاب بيتكلم عن 8 من أشهر مليارديرات في العالم قصة نجاحهم و المقولات بتعتهم اللي بتعكس نفسيتهم وعقليتهم بتفكر ازاي والدروس المستفادة وازاي تعمل شركة هنا في مصر أو تقود شركتك للعالمية ازاي على نهج المليارديرات دول ده جزء من محتوى الكتاب اللي في الكتاب أقوى من المنشور أكيد عن الكتاب : الكتاب مكتوب بشكل مستقل للفهم عن الجزء الأول والثاني يعني لست في حاجة انك تكون قرأت الجزء الأول أو الثاني علشان تفهم الكتاب ده لأ هو مستقل بذاته —————————————- موضوعات هامة تكلم عنها أقوى 28 ملياردير عن السعي ورا الفلوس فقط في مشروعك 1- ” ببساطة نحن لا نبني الخدمات لكسب المال ولكن نجني المال لكي نبني خدمات أفضل ” (الملياردير مارك زوكيبيرغ مؤسس الفيس بوك ) 2- ” لم يكن هدفي مطلقا هو أن أقوم بإنشاء شركة ولكن كثيرا من الناس أساءوا فهم ذلك لم أكن مطلقا مهتما بالأرباح أو العائد الخاص بي كل ما كان باهتمامي هو أن أقوم بشيء ما ذو قيمة يساعد في تغيير العالم للأحسن ” (الملياردير مارك زوكيبيرغ مؤسس الفيس بوك ) 3- ” لم يكن المال أبدا هو شغلي الشاغل لكن ما كان يشغل بالي دائما هو الفن والابداع فيه والبحث عن أعلى درجات الكمال فيه ” (الملياردير برنارد ارنولت ) 4″ إن كان المال هو المحفز لنا لكنا بعنا الشركة منذ مدة ونجلس الآن على الشاطئ ” (الملياردير لاري بيج ) 5- الثروة مش هتديلك الرضا ولكن انك تبني منتجات يستخدمها العملاء هو ده الأهم (الملياردير ما هو تانج ) 6- ” والدي كان يؤمن بشدة أن أي مشروع صلب عمله هو أن يربح المال فقط فهو لا فائدة منه يجب على المشروعات أن تخدم الأهداف الكبيرة للمجتمع التي تعمل به “ (الملياردير موكيش أمباني ) 7- ” أنا كان معايا أكتر من مليون دولار وأنا عندي 23 سنة و أكتر من 10 مليون دولار و أنا عندي 24 سنة و أكتر من 100 مليون دولار وأنا عندي 25 سنة بس مكنش الأمر ده مهم بالنسبة ليا في الوقت ده من حياتي اللي كان مهم بالنسبة ليا هو الشركة والمنتج بتاعي والناس ” ( ستيف جوبز ) ازاي تجيب فكرة المشروع التجارة أو مجال الأعمال هي انك تشبع جديد احتياجات الناس بتشبع احتياجات الناس بمدخل من المداخل دي شرط يكو احتياج ليه شريحة كبيرة من الناس دول عملاء مرتقبين بتوعك 1- يإما بتدخل في حاجة بالفعل موجودة لكن بتميز نفسك فيها وبتعرف تجذب الناس ليك بتمييزك لنفسك ده أمثلة : زي دجاج كنتاكي في مجال بيع الدجاج ميز نفسه بوصفة وخلطة سرية أو زي محلات دومينز بيتزا ميز نفسه في مجال البيتزا أو زي ستار بكس في مجال بيع القهوة و زي مؤسسة Not Courses في تعليم الانجليزي دخل وسط وجود الجامعة الأمريكية وبيرلتز و المعهد البريطاني ومع ذلك نجح لأنه ميز نفسه في الحاجة اللي بيعملها 2- يإما بتعمل حاجة عملية سواء خدمة أو منتج أو موقع أو شركة ……..إلخ بتحل مشكلة موجودة في المجتمع اللي أنت فيه وفي شريحة كبيرة أوي بتشتكي منها اللي هي هاتبقى العملاء بتوعك بعد كده أمثلة : زي هنا في مجتمعنا المصري لما كنا بنشتكي من استغلال التاكسي الأبيض الكل متضايق بس مش موضوع محل اهتمام فا في حد خد باله و شركتين شركة أوبر وشركة كريم دخلوا مصر و حلوا المشكلة دي بنظام معين أغلب الناس جربته دلوقتي واتبسطت منه و زي شركة أيكيا أول لما طلعت لقت إن في شريحة كبيرة أوي من الشباب مقبلة على الجواز ومش معاها تكاليف فرش البيوت صاحبها فكر بطريقة إنه يعمل أثاث كويس عالي الجودة وبسعر منخفض ونجح في كده وشركته بقت عالمية دلوقتي والكل يعرفها أو زي قصة الملياردير أمانسيو أورتيجا المذكورة في الجزء الأول من أثرياء العالم وكذلك جاك ما الملياردير الصيني اللي لما لقى أن الناس بتستخدم الإنترنت كتير بس مفيش موقع تجارة إلكترونية قوي صيني فبدأ هو وعمل الموقع ده ومن خلاله بقى ملياردير 3- يإما بتعمل حاجة بتســــــــــــــــهل عمل شيء معين أكتر وتريح الناس أكتر من الأول سواء بتطـــــــــــــــــوير شيء موجود أو اختراع شيء جديد ما هو رجل الأعمال مش لازم يكون تجاري صرف زي ما شوفنا في القصص كان في رجل كيميائي هو اللي ورا شركة عالمية وكذلك أيدسون كان عالم ورجل أعمال في نفس الوقت أمثلة : زي شركة جوجل لما جات تدخل وسط العمالقة لقت إن في عيب في محركات البحث بتاعهم وهو انه مش بيطلع نتائج البحث مرتبة حسب تطابق محتوى البحث اللي أنا عايزه عملوا تعديل بسيط أوي في محرك البحث الجديد بتعهم زي ما ورد في القصة وطلع لينا جوجل اللي بقى جزء من حياتنا دلوقتي و زي عمليات تطوير الكمبيوتر من أول كمبيوتر اللي كان بحجم الغرفة لحد ما بقى في لاب توب دلوقتي بمساحات كبيرة أوي و زي شركات اللحوم والخضار المجمدة أول لما طلعت ما الشركات دي بتسهل عليك عمليات التقشير والتقطيع تنجز معاك في الوقت 4- يإما بتعمل حاجة فيها رفاهية أكتر وأكتر للناس وفي نفس الوقت عملية وحيوية والناس كلها عايزاها وحابها أمثلة : زي أنظمة الموبيل الأندرويد و الـ ISO بتاعة شركة أبل اللي خلت الموبيلات مش بس للكلام وتليفون وخلاص لأ دي خلت فيه تطبيقات وألعاب وموسيقى وانترنت ده غير جميع الزيادات اللي بتستحدث كل شوية . زي تطور العربيات من يا دوب عربية توصلك من مكان للتاني لعربية بتفاضل بين امكانياتها والرفاهيات اللي فيها إيه لعربيات بتنتج دلوقتي ذاتية القيادة 5- يإما انك بتخلق احتياج جديد عند الناس زي ما الكمبيوتر عمل أول لما طلع وزي ما ستيف جوبز كان بارع في عمل كده انه يخلق الاحتياج عند الناس والعملاء هي اللي تيجي ليك النوع الأخير ده أنا لا أفضل انه يكون أولويات حد الأولى انك تشبع احتياجات الناس اللي عمرها ما هاتخلص واللي بتمثل فرص استثمارية لا نهائية بس لازم يكون عندك القدرة تعرف تشوف موضع الفرص الاستثمارية فين وتبدأ فيها وده اللي هو انك تعرف تشوف الفرص فين وتنتهزها اللي خلى رجال الأعمال متنوعة في مجالاتها كل واحد شاف فرصة في مجال التاني مشفهاش لسبب أو لأخر و زي الملياردير الصيني جاك ما لما قال ” تكمن الفرص الاستثمارية موضع الأماكن اللي الناس بتشتكي منها ” سواء كان الشكوى دي مصدرها مشكلة لم يتناولها أحد من قبل جديدة وانت أول واحد تدخل فيها أو عيوب موجودة في منتج أو خدمة المنافس كل اللي عليك انك تختار مدخل من الخمسة دول وتشبع احتياجات الناس بيهم هاتعملها ازاي دي بتعتك وطريقتك

للحصول علي النسخه الورقية داخل مصر

للحصول علي النسخه الإلكترونية