كل شيء مبقاش حقيقي ، و كل حاجه مزيفه ، راحت فين الضحكة ، يا شمس ، ده الحزن خدها و اختفىَ فين اللي كانوا قريبين من القلب ، ده القلب انشق و ملوش شفىَ و النسيان مبقاش يفيد ، ده الذكريات مخلده ، و الذكرى الحلوة سنتي ، قدامها مترين أحزان و العمر ، لو قماشه بيضه ، هتلاقي الهم سابلها بُقع و الحب لو في وردة و كلمتين ، مكنش الشاطر مننا يقع ———————————- اكيد اللغز في الليل بخرج من كل حرب و اروحله قتيل و الاقي علاجي وياه ———— و هفضل احكىَ للقمر علي كل اللي واجعني و صوت الست محاوطني في كل مكان و لسه جرحي صاحي و انا لسه بنزف لحد الأن . و بقول في باللي ، خلاص هفارق هفارق الشوارع و البيوت و القهاوي و الفُسح و السهر مع كلمه حلوه من لسان بنت القمر و الكلام لو زاد حبه ، زاد معاه ود و محبه و ماينقصش من جمال لمتنا وقت الفرح وقت السعاده ، و اخاف لو قصرت يوم في طاعته و العباده هفارق واقفه النواصي و الكلام عن حلم بكره مع شوية عيال حافيه ، و المرمطة في ساعة كوره ملعونه ابو الدنيا الغروره .
للحصول علي النسخه الورقية داخل مصر
للحصول علي النسخه الإلكترونية
محمد رضا
لا يتوفر تعريف عن المؤلف
No responses yet