ماما من غير دراما

***إنتي محتاجة فرصة تكوني كل يوم نسخه أفضل من نفسك مع ولادك وسيبي لنفسك مساحة للتعليم والتثقيف والتغيير عشان بكره تكوني أفضل وانضج وعندك وعي اكتر، ولادنا مش محتاجين آباء وأمهات مثاليين يكفيهم إننا ناخد بإيديهم خطوة خطوة ومنكونش سبب في أي أذى نفسى أو جسدي ليهم. *** الأمومة تحدي وأختبار صعب زي اي أختبار بنمر بيه في حياتنا و يا ننجح يا نفشل، يا اما نكون قد المسئولية دي يا اما بنتحول لآلات وكائنات مُستهلكة بنحاول نرضي ولادنا جسديا وماديا بس، بنوفرلهم الأحتياجات الأساسية وننسي ان الأهم من كل ده (بناء شخصية الطفل) و دي أصعب حاجة ممكن نعملها.   *** في خط رفيع أوي بين انك تكوني دعم لأولادك وانك تتحكمي فيهم فكري معاهم بصوت عالي وسيبيهم ياخذوا قراراتهم لنفسهم حتى لو قراراتهم إنتي عارفه إنها غلط سيبيهم يجربوا ويغلطوا ولما يعرفوا غلطهم بلاش تقولي جمله الأمهات المشهورة أوي “مش قولتلك، تستاهل” خليكي سند ليهم في أخطائهم قبل نجاحتهم وأما يفشلوا علميهم يقوموا ويجربوا تاني. *** رحلة تربية ولادنا مش رحلة سلسة دايما، دي رحلة بنختبر فيها قدراتنا ومهارتنا في كل موقف وكل أزمة وكل يوم بيعدي علينا وإحنا “ماما” كل يوم بنصحى من نومنا وبنتمنى وندعي ربنا إن يومنا يكون حلو وعلاقتنا مع ولادنا تكون علاقة هادية وطيبة وبعدين تأتي الرياح بما لا تشتهي السفن وتتوالى أحداث اليوم اللي متشبهش أبداً الخطط والأماني اللي اتمنتيها أول اليوم. بيعدي اليوم بصراعات لا تنتهي بنختلف فيه اكتر ما بنتفق وينتهي اليوم بمشاعر خيبة أمل وتمنيات ببكرة أحلى وأفضل وجواكي أفكار وأحاسيس ملخبطة إن بكرة لا يمكن يكون أفضل.

للحصول علي النسخه الورقية داخل مصر

للحصول علي النسخه الإلكترونية