متستعجلش ع حقك الدنيا صغيرة جدا و حقك راجع راجع كل اللي ظلمك و قسي عليك ف وقت ضعفك حايدفع تمن ده غالي جدا كل اللي استهان بيك و بضعفك و زودها عليك داس ع قلبك و سمعك بتان من الوجع وهو عامل نفسه بينصحك حاتسمع بنفسك لانالجزاء من جنس العمل ما تستعجلش الدنيا بتبدع ف تصفيه الحسابات و دفع الفواتير لو انت هونت ع الناس عمرك ماحاتهون ع رب الناس ————————— صدق رادار قلبك بلاش تعطله عشان تقضيلك يومين حلوين وتعمل اعمي عن كل إشاراته القلب بيشوف اكتر من العين ماتدورش ع وجع القلب و ترجع بعدها تشتكي انهم وحشين قلبك حس و اداك إشارة وانت صهينت استحمل بقي خليك فاكر لما بتهمل إشاراته لوقت طويل حايعطل و مش حايشتغل معاك تاني ————————— الشغل بيعمل زمايل و صحاب قاعده حلوة الشدة و المواقف بتعمل صحاب عمر و اخوات مش من دمك لولا الشدة كان زمانك ف توهة مع كدابين الزفة و المنافقين الشدة بس هي الي بتصفي و تفلتر كإنك بتنفض بيتك كل مرة و ترمي الكراكيب المكسورة القديمة أو الهدوم اللي صغرت خلي دايما الشدة هي تنفيضتك عشان تخلص نفسك اول بأول من الزوايد و كمالة العدد الاي محطوطين للزينة فقط ————————————— عود نفسك ع الفراق عشان محدش فينا دايم خليك دايما جاهز بشنطتك بكراكيبك بصورك و ذكراياتك عشان تمشي من حياة أي حد تحس بس إنه مش مقدرك أو إنه شايفك عادي ماتدفعش عمرك ف علاقة الطرف التاني عارف إن لو مكنش إنت فيه غيرك كتير دي حياتك إنت لو مش هتعيشها مع اللي اختارته و اللي فعلًا تموت من غير وجوده ما تعش مع سد خانة مش هتلاقيها جايبة همها صدقني ———————- الحقيقة كنت بستغرب جدا من علاقة الغرب ببعض إن عندهم احترام مش عندنا هنا الراجل من دول تبقى ماشي معاه سنين وعنده منها ماري وشيرويت وأدم وحامل ويتقدم لها وترفضه تقوله احنا هنستعجل ليه ما ضمنش نفسي سوري مش يمكن ماتطلعش إنت one only & one the اللي أنا عاوزاه خلينا كده مرتبطين أحسن يا وليه ينيلك هو فيه كده اللي زيك عندنا ماقولكيش دمه بيتهدر وبيتمسح من البطاقة خالص يعني كأنه مجاش وأخرته يا ف النيل يا ف الرشاح معروفة يعني تعالى شوف بقى الراجل بيبقى قايد صوابعه العشرة شمع وفاكر من أول اليوم اللي لمحها صدفة ف المترو واحنا هنا يبقى اليوم اللي بصم فيه ومضى والناس شهدت عليه ع العقد ويقولك ال مش فاكر مش واخد بالي تجيبي القسيمة وتقعدي تحلفي له إن أهو اليوم ياخد باله من إيه؟ يااااااه من 10 سنين عمري ضاع معاكي اتخطفت والنعمة!!
للحصول علي النسخه الورقية داخل مصر
للحصول علي النسخه الإلكترونية
نسمه علي شرف
نسمه علي شرف كاتبة و روائية مصرية حاصلة على بكالوريوس تجارة انجليزي من جامعة الاسكندرية قسم محاسبة حاصلة على عدة دراسات في: دبلومة التربوي من جامعة الاسكندرية دبلومة الصحة النفسية جامعة عين شمس دبلومة العلاج المعرفي السلوكي CBT جامعة عين شمس دبلومة مصغرة ف الموارد البشريه يعد كتاب مرار طافح هو أول إنتاج أدبي للروائية و الكاتبة المصرية نسمه علي شرف
No responses yet